謡言止於智者- 關於做媒的謡言

我地間中有留意網上討論區既評論, 更不時看見”做媒”等字眼的傳言…..

其實, 這麼多年我們也沒有特別作出回應, 本來也不打算作出什麼解釋, 但見網民對我們實在有太多誤解與” 猜測”~ (呢D係咪叫做樹大招風?!)

更嚴重的是,

有些參加者將約會過程失敗歸疚於"覺得"佢地係做媒...令我地真係哭笑不得..

首先, 我地冇聘請”媒” 去參加活動. 或者有些網友或行家知道我們的客人比較高質素, 又唔相信點解咁多人參加我地D活動, 所以在網上發放這種傳言, 或者喜歡影射我地.....(行業競爭大, .....明既..明既)

我地結集了大部份網友們認為參加者是”媒”之迷思,
希望解答到網友們既猜測

1.    網友話: Speed Dating時, 個女仔對我不瞅不睬
解說:  一切只在於”佢有冇興趣同你發展!” 如果佢對你有興趣, 又點會唔理你呢?

2.    網友話: 完咗活動之後 whatsapp 佢唔睬我, 消失咗!

解說: 好想知道該網友完咗活動後係點樣follow up, 
有冇疲勞轟炸式whatsapp對方?
有冇講咗一D對方唔啱聽的說話?

又或者, 同佢約會幾次後, 無端端消失咗, 可能只因其中一方覺得唔夾?

同上, 一切只在於”佢有冇興趣同你發展!"

3.      健談, 樣貌與外型中上, 條件很好的男士/女士就係媒?

解說: 條件好, 都唔一定有男/女朋友, 
相信每個人身邊總有幾個條件好好但係又單身既朋友!
點解會單身而又要參加speed dating?

1. 每個月定期出trip, 或輪班工作, 冇時間識新朋友

2. 工作環境清一色同性
3. 唔想在工作場所發展私人感情.  
 4. 佢身邊揾唔到合適的對象.

佢地健談或好識搞氣氛, 是想大家談得開心, 絶對是大方得體的做法,  

如果遇到這樣的參加者, 可遇不可求, 應該感到幸運, 好好把握緣份才對吧!

網上傳聞, 如何分真或假? 沒有出處沒有憑證, 你一言我一語, 總之憑”直覺”就當真了!  
太健談係媒, 太靜係媒, 高質係媒, 太靚又係媒, 其實那些人真心想要什麼類型的參加者呢?

 <謡言止於智者>
我地至今已經成立超過10年, 當中有很多支持者及成功例子, 其實我地公司職員既單身朋友想參加, 都需要正式付款先得!

而曾經參加過的人, 一定會感受到我們的貨真價實, 因此繼續參加或介紹朋友參加, 亦令我地成為行業上最多人參加的一間Speed Dating公司! 
 假設我們聘請”媒”的話,  

一來對其他參加者不公平.

二來, 我們跟本沒有需要這樣做.
活動好多時都會提早滿額, 亦因為滿額需要退款給客人

當然, 其他公司是否會這樣做, 我們實在沒有真實憑據, 亦不會胡亂影射及猜測. 亦希望Dating行業能百花齊花放, 同業們一起努力, 令更多人因為dating公司找到另一半!

而家睇場演唱會都要7,8百蚊既年代, 而每次參加speed dating只係平均3百蚊
扣除食飯, 包場, 行政費, 公司營運成本,人力資源等, 其實當中只係得輕微利潤, 如果仲要包括"媒"和參加者約會同傾計等等, 咁不計成本, 相信我地已經執咗好耐了....最後我地想講, 如果有參加者, 覺得响約會不順意, 點解約唔到對方等等, 不如直接D揾我地傾下, 睇吓我地有咩意見可以比到你~ 我地好歡迎參加者分享同交流想法^^
其實Speed Dating只係一個平台, 讓單身而又想揾到另一半的人走埋一切. 參加者的言行, 其實在我們的控制範圍之外, 希望大家也可以客觀去評論. 服務業向來比較難有準則, 我們不會期望得到全世界的認同, 但至少我們把事實說出來, 無愧於心~

祝: 早日找到另一半!